26
Paulus nasalaꞌe ao na nai Mane Agripa matan
Basa boe ma, Mane Agripa nadenu Paulus nae, “Besaꞌ ia, o bole masalaꞌe ao ma. Ami pasaꞌ ridoo mara fo mamanene neuꞌ o.”
Paulus tudu neniꞌ lima na fo ela lahenda sira nenee, basa boe ma, ana dedea nae,
“Papa Mane Agripa fo riiꞌ au hada hormata. Au aua-anale, huu fo papa fee au lelaꞌ de bole au tui fee papa sara basa, hata fo lahenda Yahudi ra kolaaꞌ au a. Au bubuluꞌ ae papa malelaꞌ matetuꞌ ita lahenda Yahudi ra hada naa, ma nahote nara. De au hule papa mamanene matalolole au.
Au eme aana ka mai, ara ranori au fo asoda tuka ita lahenda Yahudi a hada na. Masososa na au hapu nanoriꞌ nai au koro ka; basa boe ma, au uu sakola tamba seluꞌ nai Yerusalem. Lahenda Yahudi fo rai Yerusalem bubuluꞌ au eno masoda ka, ma ara ralelaꞌ matetuꞌ au. Kalu malaka agama ra nau soo na, ara bisa tui rae, ara ralelaꞌ au neme uluꞌ mai. Te au ia, boe masoꞌ partei agama Farisi. Basa lahenda bubuluꞌ rae ami lahenda Farisi ia, homu mahere lahenda Yahudi agama na atoran katemaꞌ. Lahenda Nadedenuꞌ ara Tutuin 23:6; Filipi 3:5 6-8 Au ma lahenda Israel neme suku kasanahulu duaꞌ ara, ami basa moi mahaniꞌ Amaꞌ Manetualain tao tuka Ria hehelu-barataan. Hehelu-barataaꞌ Ria, Ana nafada ita bei-baꞌi nara neme uluꞌ ele mai. De losa besaꞌ ia, ita basa hule hatu-leledon fo elaꞌ Manetualain hehelu-barataan ria dadi leo. Hehelu-barataa ria isi na nae, neuꞌ ko Ana fee lahenda mana-mateꞌ ara rasoda seluꞌ.
Papa Mane Agripa fo riiꞌ au hadaꞌ hormata! Huu noo au amahere ae, neuꞌ ko Amaꞌ Manetualain fee lahenda mana-mateꞌ ara rasoda seluꞌ boe ma, rina ara radedea roo au. Au oi atane: ubeaꞌ taon de rina lahenda ruma reme emi mai, ta nau ramahere rae, Amaꞌ Manetualain nafoa faliꞌ lahenda mana-mateꞌ ara fa? Ria bisa!
Maꞌulun ria, tebe au tao sudi laꞌe ubeaꞌ, soaꞌ lahenda fo rina tuka Yesus, lahenda Nasaret ria. 10-11 Tepoꞌ ria, agama Yahudi lahenda bauinaꞌ nara, fee au kuasa fo au uu tao asususaꞌ Yesus lahenda nara, nai basa mamanaꞌ a lalaꞌen. Au homu aa sii ma hela oo sii leo Yerusalem reu, fo tuꞌu sii leo bui daleꞌ reu. Au boe tuka uu aꞌetuꞌ fo huku ramate ruma. Au boe leo Uma Mamasoꞌ ara daleꞌ uu, fo tao doidosoꞌ asa, basa nana au aseti sii, fo rae ta ralelaꞌ Yesus. Kadodou na, au amahana a soo na, oiꞌ usiꞌ asa. Sadi au amanene lahenda fo ramahere neuꞌ Yesus rai bea a, leo mae losa rai nusa dea boe oo, au usi tuka sii. Lahenda Nadedenuꞌ ara Tutuin 8:3; 22:4-5
Paulus tui seluꞌ hata fo ria naneta noi a
(Lahenda Nadedenuꞌ ara Tutuin 9:1-19; 22:6-16)
12 Paulus tuti seluꞌ dedea na nae, “Laiꞌ esa boe ma, malaka agama ra fee au susura kuasa fo ꞌuu heke Yesus lahenda nara nai kota Damsik. Basa boe ma, au ꞌuu. 13 Papa Mane Agripa! Ami bei laꞌo-laꞌo nai eno taladaꞌ, ledo a ee namatetu ria, keke neu te, makaledoꞌ esa neme lalai mai tande na seliꞌ, mai ana haa laꞌe au oo nonoo kara. 14 Ami basa leku-bara meuꞌ dae, huu noo makaledoꞌ ria tande na. Basa boe ma, au amanene hara-oeꞌ esa nadedea noo au, pake dedea Aram* Nai susura dedea Yunani ara duiꞌ ‘lahenda Ibrani ra dedea na’. Sira dedea tuka-tuka faiꞌ, riiꞌ dedea Aram. Boe ma, duiꞌ sosoa raran nae, ‘susa kalu o matipa ai kokouꞌ a maroo’. Sosoa na nae ‘susa kalu o malena-laka maroo mo Au.’ nae, ‘We, Saul! Ubea taon de o tao doidoso Au, laꞌoꞌ maroo? Susa laꞌesa kalu o malena-laka maroo neuꞌ Au hihii-nanau Ka.’ 15 Au amanene hara-oeꞌ ria, tehuu au ta ita lahenda ria fa. Boe ma, au atane ae, ‘Papa mana dedeaꞌ ia, nana bea?’
Basa boe ma, hara-oeꞌ ria sipoꞌ au nae, ‘Au ia Yesus, fo rina o tao fee Au doidoso laꞌo narooꞌ. 16 Saul! Foa leo! Au atudu ao-ina Ka neuꞌ o, nana sosoa na leo iaꞌ: Au here basa o dadi neuꞌ Au lahenda kamahere Ka. De, o muste muu tui basa lahenda ra, hata fo faiꞌ ia, o mitan neme Au mai. Neuꞌ ko Au atudu fee o seluꞌ hata bebeuꞌ, fo elaꞌ o bisa mafada basa lahenda ara. 17 Neuꞌ ko o hapu susa rupaꞌ ara. Tehuu Au anea o neme lahenda fo nau tao rasususaꞌ o, leo mae neme lahenda Yahudi, do neme lahenda fekeꞌ ara mai. Tebe! Au adenu o muu leo fo ta lahenda Yahudi fa. 18 O muu fo tao ma mata nara radilaꞌ, ela ralelaꞌ ma rasoda nai makaledoꞌ a daleꞌ. Basa nana, ara foa elaꞌ sira eno masoda peko-paki nara, ma o muste matudu fee sii eno masoda roos a, ma poꞌi maa sii reme nitu ra malaka bauinaꞌ a kuasa na mai, basa nana, moo sii leo Amaꞌ Manetualain reu, fo ela ose heni sira sala nara katemaꞌ. Sira boe dadi reuꞌ Au lahenda Kara, roo basa lahenda fekeꞌ fo rina Amaꞌ Manetualain teka-here naa sii; huu noo ara ramahere neuꞌ Au. Saul, Au nafada Ka, riiꞌ naꞌ soo.’ ”
Paulus nafada ria nonoi-tataon
19 Paulus dedea naroo nae, “De, Papa Mane! Nonoi fo au sipo memaꞌ neme nusa sodaꞌ a mai ria, au alalaꞌo ana. Losa besaꞌ ia, au bei oi-tao laꞌo naroo, au ta heoꞌ baiꞌ boeꞌ. 20 Au tui masososaꞌ Yesus Eno Masoda Na, neuꞌ lahenda Yahudi fo rai Damsik. Basa ria boe ma, au mai tui neuꞌ lahenda Yahudi fo rai Yerusalem, ma nai propensi Yudea katemaꞌ, ma au laꞌo afeo basa lahenda fo ta Yahudi fa, nusa nara lalaꞌen. Au dedea makaleledoꞌ neuꞌ basa sii, fo ara foa ela sira eno masala nara, ma fee sira ao nara neuꞌ Amaꞌ Manetualain. Sira boe muste tao malole nai sira masoda nara daleꞌ, fee lahenda fekeꞌ aa, fo dadi tanda esa nae ara dadi lahenda bebeuꞌ nai Manetualain daleꞌ. Lahenda Nadedenuꞌ ara Tutuin 9:20, 28-29 21 No au nonoi-tataoꞌ ria boe ma, lahenda Yahudi hida homu raa au nai Uma Mamaso Bauinaꞌ, nai Yerusalem, fo ara nau raisa au boe. 22 Tehuu Amaꞌ Mantualain tulu-fali na au, huu ria naa, au bisa asoda losa besaꞌ ia. Noo ria naa, au bisa apadeiꞌ nai ia, fo tui fee basa lahenda aana-bauinaꞌ Yesus Eno Masoda Na. Hata fo au afadan ia, naraa noo hata fo baꞌi Musa noo Ramatua mana dedea nara ranori-rafadan ni a. 23 Ara ranori laꞌe Kristus, Lahenda fo Amaꞌ Mantualai helu basa nae feen mai, nae Ana muste lepa doidoso, de maten, ma Ana dadi lahenda masososaꞌ fo Amaꞌ Manetualain nafoa faliꞌ Ana. Ria rina neuꞌ ko fee makaledoꞌ a neuꞌ lahenda Yahudi ra, ma lahenda fekeꞌ fo nai dae-bafoꞌ ia.” Yesaya 42:6; 49:6; 1 Korintus 15:20
24 Paulus bei dea-dea fo tui ria nonoi-tataon, boe ma Festus nahapu-hani Paulus noo hara-beraꞌ nae, “He! Paulus! Bate o mamulu ia soo! O malelaꞌ talalu dodouꞌ, losa tao na o momooꞌ leo laka ani a boe.”
25 Tehuu Paulus sipoꞌ nae, “Papa gubernor fo au fee hadaꞌ-hormata neuꞌ ko. Au ta kamuluꞌ fa. Au afada basa ia ra nana tebe leoꞌ naa, au ta oi aneneuꞌ a fa. 26 Papa Mane Agripa bubuluꞌ matetuꞌ hata fo au dedean ia a, au aparani tuin neuꞌ loa na. Au amahere ae, papa mane namanene basa ia ra, huu basa hata ra dadi soo, ma ta dadi nai mamana nafuniꞌ fa. Rae Yesus fo maten ria nana nasoda seluꞌ. Basa lahenda a boe bubuluꞌ hata ria. 27 Neme lele uluꞌ mai, Amaꞌ Manetualain mana dedea nara rafada memaꞌ hata ia, de au aparani apasaꞌ ae papa mane boe, namahere mana dedea sira dedea-nafada nara, hete?”
28 Mane Agripa nahapu hani tutiꞌ a nae, “We! Paulus! O mae hatemataꞌ ia, o bisa kokoe ma au dadi neuꞌ lahenda Kristen?!”
29 Paulus sipoꞌ mane a nae, “Leoꞌ ia, papa. Au hule-haradoi neuꞌ Amaꞌ Manetualain, fo leo mae dooꞌ a, do ta dooꞌ a fa, ta noi papa mane ka fa, te basa lahenda nai faiꞌ ia, ramanene au dedeaꞌ kia, bisa dadi sama leoꞌ au, riiꞌ Yesus lahenda nara! Tehuu sadi papa kasa bosoꞌ dadi lahenda mana-hukuꞌ sama leoꞌ au ia.”
30 Paulus dedea nae leoꞌ naa basa boe ma, mane Agripa noo fadin Bernike, ma gubernor Festus roo basa malaka bauinaꞌ sira foa rapadeiꞌ roi fali.
31 Ara laꞌo dea reu ma bei dedea rae, “Lahenda ia, ta tao salaꞌ naraa noo huhuku mamates, ma enan leo bui daleꞌ neu!” 32 Basa boe ma, mane Agripa nafada gubernor Festus nae, “Kasian laꞌesaꞌ, leo lahenda ia ta hule parisaꞌ dedea na, nai nusaꞌ a huu na, nai Roma soo na, dedeaꞌ ia basan adaꞌ ia, ma ita bisa poꞌi ria.”

26:5 Lahenda Nadedenuꞌ ara Tutuin 23:6; Filipi 3:5

26:10-11 Lahenda Nadedenuꞌ ara Tutuin 8:3; 22:4-5

*26:14 Nai susura dedea Yunani ara duiꞌ ‘lahenda Ibrani ra dedea na’. Sira dedea tuka-tuka faiꞌ, riiꞌ dedea Aram. Boe ma, duiꞌ sosoa raran nae, ‘susa kalu o matipa ai kokouꞌ a maroo’. Sosoa na nae ‘susa kalu o malena-laka maroo mo Au.’

26:20 Lahenda Nadedenuꞌ ara Tutuin 9:20, 28-29

26:23 Yesaya 42:6; 49:6; 1 Korintus 15:20