16
Lamatuak Yesus nasoda fali numa mamaten mai!
(Mateos 28:1-8; Lukas 24:1-12; Yohanis 20:1-10)
Beꞌe-mai fo fai neek, ndia hatahori Yahudir fai huhule-haradoin. Neu ledo tesa ena, Maria numa nusak Magdala mai, Maria esa bali (Yakobis inan) ma Salomi, reu hasa mina kaboo menik fo rae reu bibiru neu Yesus ao-mbaa mamaten, tungga hatahori Yahudir dala-hadan. Neu fai Menggu huhua anan, telu sara reni rates naa reu. 3-4 Neu ara bei laꞌok numa dalak, boe ma rakokola aok rae, “Naa! See ndia bisa tulun ita fo keko heni batu moꞌok naa numa rates lelesun mai? Neu ko ita telu ngga ta tabeꞌi sana, te batu naa moꞌon seli na!”
Tehuu neu ara losak ka naa, ara mete-rita batu naa neni loli henik ena. Boe ma ara maso reni rates naa dale reu. Ara nggengger ralan seli, nahuu mete-rita hatahori muri anak esa nanggatuuk nai sira boboa konan, ana pake bua-loꞌa muti manggadilak. Boe ma hatahori muri anak naa nafada sara nae, “Ei hae mamataꞌu! Au bubuluk ei mai sangga Yesus numa Nasaret mai, fo ara rakanisan numa ai ngganggek naa lain. Ana ta nai ia ena, Ana nasoda fali numa mamaten mai ena. Mai fo mete-mita no ei mata heli-helim mara mamanak fo ara tao Yesus ao-mbaa mamaten neuk naa rouk ena. Ei fali lai-lai leo! Miu mafada Petrus asa mae, Yesus nasoda fali numa mamaten mai ena. Ana laꞌo nakahuluk neni Galilea neu ena. Dei fo ara ratonggo ro Yesus nai naa, sama leo nafada ela sara ndia fai bakahulun. De fali miu ngga leo!” Mateos 26:32; Markus 14:28
Neu inak kara raa mete-rita mamanak naa rouk, boe ma ara nggengger. De ara ralai dea reu. Basa boe ma ara fali lai-laik. Ara ta rafada esa boe na, neu ara bei numa dalak, nahuu ara ramataꞌu ralan seli.
[Lamatuak Yesus natonggo no Maria numa Magdala mai
(Mateos 28:9-10; Yohanis 20:11-18)
Fai Menggu huhua anan naa, Yesus neu natudu matan nakahuluk neu Maria numa Magdala mai, fo fai bakahulun Yesus husi nita nitu hitu numa aon mai.* Susura dedeꞌa Yunani lasin lenak ma neulaun lenak nateꞌe losa kada lanek ka-8. Markus tutuin nateꞌen tungga dalak dua: esa naruk ka (Markus 16:9-20), ma esa kekeꞌuk ka (Markus 16:9-10). Tungga hatahori malelak kara, fo ara bubuluk no malole Markus tutuin ia, tutui mateꞌen kaduak kara iar, ara surak kasa rakahitok. Dua sara tui Yesus nasoda fali numa mamaten mai, ma hatahori fo mana namahere Yesus uen nara. 10 Ana mete-nita basa Yesus, boe ma ana fali de nafada basa hatahorir fo fai maneuk kara ara tungga Yesus. Ara bei bua-bua no dale sonak, ma luu-oen nara bei ta mada, rasaneda Yesus mamaten naa. 11 Boe ma Maria nafada sara nae, “Tao hata de ei bei susa? Hae susa bali, te Yesus nasoda fali numa mamaten mai ena! Bebeik kara ia au dei fo atonggo uan!”
Tehuu basa sara raselu rae, “Weeh! O kada kokolak lelik!”
Lamatuak Yesus natudu matan neu hatahori dua bali
(Lukas 24:13-35)
12 Basa boe ma Yesus ana nunin dua laꞌok reni nggorok esa reu. Neu ara bei laꞌok numa dalak, boe ma Yesus neu natudu matan neu sara. Yesus mata-aon nasafali ena, tehuu ta dook ka, boe ma ara ralelan. 13 Basa boe ma dua sara fali reu rafada nonoon nara rae, “Ei nenene dei! Bebeik kara ia, ai bei fo matonggo mia Yesus numa dalak!”
Tehuu nonoon nara basa sara raselu rae, “Heeh! Ei boso kada kokolak lelik talo naa!”
Lamatuak Yesus natudu matan neu basa ana nunin nara
(Mateos 28:16-20; Lukas 24:36-49; Yohanis 20:19-23; Nedenuk kara Tutuin 1:6-8)
14 Basa boe ma Yesus natonggo no ana nuni kasalahunu esan nara, neu ara ranggatuuk raꞌa-rinu. Ana nahara neu sara nae, “Weeh! Ei langga batum mara seli! Hatahori rafada ei ena rae, ara mete-rita Au no mata deꞌe heli-helin nara ena, tehuu ei ta nau mamahere! Ei mae, basa sara kada kokolak lelik! Naa! Hatematak ia Au mesa ngga mai ena. Memak Au mate ena, tehuu hatematak ia Au asoda fali numa mamates mai ena! Ei mesa ngga mete no ei matam mara leo.
15 De hatematak ia ei muste laꞌo ndule basa dae-bafok ia, fo miu mafada basa hatahorir laꞌe-neu Au Tutui Maloleng ia. Nedenuk kara Tutuin 1:8 16 Hatahori fo mana namahere neu Au, ma ana hambu saranik, neu ko Manetualain tao nasoi-nasodan, fo ana leo seku neu no Manetualain nai nusa tetuk do inggu temak. Tehuu hatahori fo mana ta namahere, neu ko ana hambu hukun, ma Manetualain ta simbok kana nai nusa tetuk do inggu temak, de ana leo kada dea seku neu. 17 Ma hatahorir fo mana ramahere neu Au, ara bisa tao tanda heran mata-matak kara, fo basa hatahorir bubuluk rae, sira koasan naa memak numa Manetualain mai. Haꞌi netuduk, neu ko ara bisa husi nitur pake Au nadeng. Neu ko Manetualain fee sara bisa kokolak pake dedeꞌak laen, leo mae ara ta bei ralela dedeꞌak naa. 18 Ma leo mae ara toꞌu mengge karasok, do, ara rinu hambu raso, ara ta hambu sosoek. Boe ma mete ma ara ndae liman nara reu hatahori hedis sara langgan, neu ko ara hai.”
Lamatuak Yesus hene neni nusa tetuk do inggu temak neu
(Lukas 24:50-53; Nedenuk kara Tutuin 1:9-11)
19 Yesus kokolak basa no ana nunin nara, boe ma Manetualain soꞌu botik kana hene neni nusa tetuk do inggu temak neu. Nai naa, Yesus dadi neu Manetualain lima konan, fo Dua Sara ranggatuuk toꞌu parenda sama-sama. Nedenuk kara Tutuin 1:9-11
20 Basa boe ma ana nunin nara tungga Ndia parendan. De ara sudi bee reu fo tui-bengga neu basa hatahorir laꞌe-neu Yesus Tutui Malolen. Boe ma Manetualain fee sara koasa fo ara tao basa tanda heran nara fo Yesus nafada elak kara raa. De hatahori noꞌuk ka ramahere neu Yesus, te ara bubuluk ena rae, Tutui Malole naa, memak tebe.]
[MARKUS NATEꞌE TUTUIN TUNGGA SUSURA LELE ULUK LAEN NARA
Neu ina kateluk kara raa losa Petrus asa ena, boe ma ara rafada basa-basan laꞌe-neu hatahori muri anak naa, fo mana kokolak numa rates ndia bebeik kara raa. Susura dedeꞌa Yunani lasin lenak ma neulaun lenak nateꞌe losa kada lanek ka-8. Markus tutuin nateꞌen tungga dalak dua: esa naruk ka (Markus 16:9-20), ma esa kekeꞌuk ka (Markus 16:9-10). Tungga hatahori malelak kara, fo ara bubuluk no malole Markus tutuin ia, tutui mateꞌen kaduak kara iar, ara surak kasa rakahitok. Dua sara tui Yesus nasoda fali numa mamaten mai, ma hatahori fo mana namahere Yesus uen nara. Basa boe ma Yesus parenda ana nunin nara fo reu tui-bengga laꞌe-neu Ndia Tutui Malolen ia nai basa mamanak kara losa dae-bafok buꞌun nara. Tutui Malole ia natudu dalak fo Manetualain tao nasoi-nasoda hatahorir numa sala-singgon nara mai fo rasoda seku neu ro Ndia.
Tutui Malole ia, memak tetebe ndoos. Huu naa de ana nakatataka nakandoo losa ta namaketu.]

16:7 Mateos 26:32; Markus 14:28

*16:9 Susura dedeꞌa Yunani lasin lenak ma neulaun lenak nateꞌe losa kada lanek ka-8. Markus tutuin nateꞌen tungga dalak dua: esa naruk ka (Markus 16:9-20), ma esa kekeꞌuk ka (Markus 16:9-10). Tungga hatahori malelak kara, fo ara bubuluk no malole Markus tutuin ia, tutui mateꞌen kaduak kara iar, ara surak kasa rakahitok. Dua sara tui Yesus nasoda fali numa mamaten mai, ma hatahori fo mana namahere Yesus uen nara.

16:15 Nedenuk kara Tutuin 1:8

16:19 Nedenuk kara Tutuin 1:9-11

16:9 Susura dedeꞌa Yunani lasin lenak ma neulaun lenak nateꞌe losa kada lanek ka-8. Markus tutuin nateꞌen tungga dalak dua: esa naruk ka (Markus 16:9-20), ma esa kekeꞌuk ka (Markus 16:9-10). Tungga hatahori malelak kara, fo ara bubuluk no malole Markus tutuin ia, tutui mateꞌen kaduak kara iar, ara surak kasa rakahitok. Dua sara tui Yesus nasoda fali numa mamaten mai, ma hatahori fo mana namahere Yesus uen nara.